隨著HSPA上網普及，唔少人都想過將買隻 3G Router 取代固網寬頻，而最近腦場就相繼出現平價 3G Router產品，雖然品牌不名，但最平僅須 $299就有交易，價格甚至平過普通Router，無疑係取代方案的廉價測試品。
自從HSPA普及，3G Router 就成為新興的網絡產品，但一般都要 $500以上先有交易，故此一向被視為貴價玩意。不過，腦場近期出現一輪3G Router劈價潮，不論品牌出名與否都一律劈價，而價格更一度低至$299。這兩款 $299 的3G Router 分別係 BILLION BiPAC 7402GXL及ENGENIUS ESR-6550，前者提供54Mbps g制式WiFi規格，並可支援21Mbps HSPA網絡；後者擁有150Mps n制式 WiFi規格，但僅寫著支援 3G網絡。功能而言，ENGENIUS支援n制式會較優勝，而BILLION 雖則只有g制式，但勝在代理 ECT提供保養服務，這點無疑挽回唔少信心。
除此之外，平價 Router 還有代理Shooting旗下的Aztech HW550-3G 及 Edimax 3G-6200n 兩款。前者初期曾經以 $900出售，現在僅賣$399，但依然擁有較強的 300Mbps n制式 WiFi規格，並支援Print Server及網絡硬碟功能；後者擁有相同功能，但就僅提供 150Mbps n制式WiFi規格，而價格就平多$20有交易。
假如你想外出使用，最近Aztech亦新推出HM553-3G，它外型纖巧，僅重100g，加上流線型設計，唔講都唔知係3G Router。規格上，它提供內建電池，支援 300Mbps n制式WiFi規格，而且更提供RJ45 Port位，功能絕對應有盡有，唯一缺點係必須配合USB Modem使用，但考慮到僅售$699，比起Huawei已經平左近一半。