四年來我哋喺戲院見過KERORO小隊玩「X法術」，又見過佢哋打到上天下海，仲睇埋佢哋變成大飛龍…大銀幕上嘅KERORO永遠唔會令我哋失望，提供最「過癮」嘅暑期娛樂﹗話咁快「KERORO軍曹大電影」嚟到5週年，當然要大肆慶祝﹗挾著前四集嘅攝人氣勢，KERORO軍曹今次連同冬樹將會飛到太平洋，解開復活島千年魔咒，勇救這個珍貴的世界遺產﹗
面對可以無限進化的最強敵人，今氣劇情前所未有地緊湊、驚險、刺激﹗﹗勁到就連新世代美聲歌姬平原綾香都請纓為今集獻唱主題曲，落力幫KERORO小隊打氣﹗身為軍曹嘅忠實Fans，呢個咁盛大嘅5週年慶典當然不能錯過﹗
絕地大翻身﹗KERORO小隊勇救復活島
自從由魔物獵人阿里莎手上得到貌似KERORO的神秘摩艾像後，冬樹就唔知點解不斷發同一個惡夢：戰火處處，不但GIRORO、TAMAMA等隊成員相繼倒下，就連KERORO最後亦慘遭毒手﹗
為咗解開呢個令人不安嘅謎，冬樹連同KERORO決定去摩艾像嘅發源地：復活島，查一查有咩景轟﹗小島之上，佢哋見到周圍都係五顏六色亂咁跳嘅小精靈，仲有一對可以同摩艾像溝通嘅奇妙雙胞胎──伊柯、奈奈。冬樹喺佢兩個口中得知，復活島上一隻千古惡靈AKUAKU已經甦醒，仲話會引爆火山消滅復活島﹗一心諗住靜雞雞開拓新秘密基地嘅KERORO，即刻叫齊手足帶埋佢心愛嘅高達過嚟，要誓死保衛呢個風景咁正嘅小島﹗不過，事件發展到呢度，亦令冬樹感覺到佢嘅惡夢開始慢慢成真…
復活島簡介
「位於大平洋的復活島，隸屬智利的一部分，形狀像個三角形，由三座火山組成，面積163.6平方公里（比大嶼山大一點），是世上最與世隔絕的島嶼之一，亦是聞名於世的世界遺產。這個小島上的古代文明一直深深地吸引著我啊﹗」
摩艾像（Moai）
「即是著名的巨頭神像，亦是復活島上重要的文化遺跡。石像高7至10米，重量由20噸到90噸都有，其中最重的竟然有200噸﹗通常它們都被整齊地排列在4米多高的長方形石台上，而且都是背向大海。摩艾像全部都是半身像，長臉、長耳、雙目深凹、削額高鼻，下巴稜角分明，表情充滿自信﹗（有的被安上眼珠，神情超詭異﹗）
雖然考古學家研究多年，但摩艾像的來歷仍未有定論，甚至連島上的土著居民也說不清楚…真是世上最引人入勝的謎團啊﹗」
拉諾拉拉庫（Rano Raraku）
「摩艾像的製作地，因島上文明瓦解，所以有大量未完工的石像。根據伊柯和奈奈的說法，這裡是島上最大靈力的集中地﹗」
復活島大戰
「在整個十七及十八世紀，復活島爆發大戰，島民要由地上搬到了地下的洞穴。大概在1770年，各族甚至開始推倒敵人的摩艾像，所以現在完整的石像都所剩無幾了…我想邪靈AKUAKU就是在這時候誕生的吧？」
重點角色 隆重登場﹗
神秘石像
冬樹突然收到的石像，不但跟KERORO離奇地相似，而且不時會對冬樹作出呼喚…原來是跨越時空而來的秘密武器﹗
阿里莎
專門捕獵魔物的暗之獵人。突然將石像丟到冬樹家引他到復活島，究竟目的是甚麼？
伊柯 & 奈奈
生於復活島上的龍鳳Twins，雖然外表是少年，其實已經活了超過200年﹗懂得和石像和精靈溝通，而且擁有穿越時空的神秘力量，是打敗AKUAKU的關鍵﹗
MANA
島上五顏六色的小精靈，自古就守護復活島的和平。
AKUAKU
復活島上的傳說邪靈，力量強大得就連軍曹小隊的武器也無用武之地﹗
AKUAKU（最終型態）
將KURURU、TAMAMA、DORURU和GIRORO相繼吞掉後，進化而成的怪物；集合了四位隊員的強項，戰鬥力所向無敵﹗
圖片集
