亞洲遊戲展進入第4日(最後一日)，作為壓軸活動，今年PlayStation與Neway合作，於「亞洲遊戲展」舉行「PlayStation Move X Neway歌舞皇者跳戰賽」，並邀請年輕人氣歌手G.E.M.鄧紫棋擔任特別嘉賓。G.E.M.即場與Neway幸運會員進行友誼賽，大玩PlayStation Move體感遊戲「SingStar」，邊跳邊唱Lady Gaga的「Poker Face」，雖然舞姿生硬，但仍憑天生音樂感勝出！她笑指：「我頭先跟拍子跟得唔係好好，不過我最近有練舞可能好啲，玩呢隻game對平時唱快歌會有幫助。(嚟遊戲展怕唔怕現場好多宅男毒男?) 毒男？我自己都係毒女，成日匿屋企上網。」G.E.M.更透露聖誕節期間節目豐富，既打邊爐BBQ、又到朋友家玩，被問及與緋聞男友林宥嘉最近有沒有聯絡，她指：「呢啲嘢留返自己知，感情嘢我唔想講咁多，(之前咁sweet點解而家唔講?) 因為之前講完大家就轉移視線，想大家以後留意返我唱歌方面。」
