[購物Q&A] SSD固態硬碟 選購疑問全解答!

訪問對象: 展昇 子揚 

受去年泰國水災影響，傳統硬碟售價高企，好多人都轉移目標選購SSD產品，雖然都係睇容量同速度，但實際係腦場見人選購時仍好多疑問，所以「購物Q&A」就同出售 SSD著名店舖「展昇」造個訪問，追索同解答一般顧客會有咩問題。

Q1.) SSD怎樣分快慢?

大家選購SSD固態硬碟，除了容量及價錢，讀寫幾快都一定會留意，面對普遍SATA III款式都列明500MB/s以上，咁係咪數字越高越好呢? 當然數字越高表現更快，但SSD除了讀寫速度，還有IOPS值都會影響表現，正如OCZ不同系列就會以IOPS數值來區分等級。此外，不同控制晶片都有影響，正如有品牌會列出一般檔案可達500MB/s，但多媒體檔案就會降速至170MB/s，全因有些晶片在寫入前會壓縮檔案，達至延長壽命效果。因此市場都有標榜不壓縮技術的SSD產品，如Plextor M3/M3 Pro擁有獨家TrueSpeed技術等，所以SSD快慢都有好多因素影響。

Q2.) 系統只有SATA II能否SATA III SSD?

現時SATA III SSD價格下跌，優先考慮SATA III款式是理所當然，但如果Desktop或Notebook只有SATA II介面，其實SATA III SSD絕對可以向下兼容SATA II系統，當然受限於頻寬不足，讀寫速度會大打折扣，一般會回落到200-230MB/s水平，相比純正SATA II款式較慢，但如果長遠都會計劃升級系統，咁點計選購SATA III都較著數。

Q3.) 更換SSD是否一定要重裝作業系統?

一般人認為升級SSD必須重裝Windows又要備份檔案，工程龐大煩複。不過，有些SSD都有備份軟件協助用戶升級，正如AData、Plextor及Intel會透過隨碟或下載方式附送軟件，用戶可以把整個系統移植到SSD上，當然效果唔會有重裝咁好，但就減少升級麻煩。

專題後記:

睇完幾條常見選購 SSD 的問題後，相信解決唔少讀者心中煩惱。除了清楚 SSD 唔係單純睇列出讀寫 MB/s，最重要係知道 SATA III 可降速兼容 SATA II 系統，大家就無須選擇較貴的 SATA II 款式。面對 SSD 減價戰持續，尚未升級的您又會否考慮呢?