[格價專題] $400以下 H61主機板 最抵邊塊 同你分析!

近期 Intel 七系列主機板陸續推出，加上送RAM 優惠影響，大家著眼點都放晒係 H77/ Z77 型號。不過，如果大家對主機板要求唔高，只要求價錢便宜，其實正在減價的 H61 會係最平選擇。有見及此，這次格價專題將會介紹一系列 $400 以下 H61 主機板選擇，想知邊塊最抵玩就記得留意！

PART I 價錢分析:

現時 H61 主機板幾乎所有品牌包括 ASUS 及 GIGABYTE  都有 $400 以下型號選擇，價錢由 $340 到 $399 不等，單係哩個價位已經多達十二個選擇。更何況純粹便宜，$350 已經有 BioStar H61MLC、H61MXL-K 及 Intel DH61WW 三個選擇，如果大家唔睇規格隨便買一塊，要買到最高性價比的選擇都幾困難。

PART II 規格分析:

$400 以下 H61 主機板規格中，它們普遍都有兩條 DIMM 及五相供電設計，而且最少都有一條 PCI-E x16、四組 SATA II 及四組 USB 2.0 等基本規格。而當中差別在於全固態電容、PCI-E x1 /PCI 數目及顯示輸出介面。至於規格比較吸引的，本網選擇了 Foxconn H61MX-EL及 Foxconn H61MXE-S，原因 H61MX-EL 有齊 DVI/HDMI/VGA 輸出、7.1聲道音效及全固態電容，而  H61MXE-S 是唯一具備 USB 3.0 的款式。最後次選，本網還會選擇  Intel DH61WW，雖然擴充性一般，但勝在少有提供 Intel GigaLAN 配置。

PART III :  綜合分析

睇完規格及價錢後，最後當然要知道邊塊 H61 最抵玩，如果考慮價錢，本網會推介 Foxconn H61MXE 及 Asrock H61M-DGS，原因它們都具備全固態電容，同時亦提供 DVI 或 HDMI 輸出介面，這點對內建顯示提供較佳品質。如果考慮功能，本網就首選推介 Foxconn H61MXE-S，原因只有它具備 USB 3.0 規格，即使同價有另一塊 Foxconn H61MX-EL 選擇，但 7.1聲道同 USB 3.0 邊個比較實用，相信唔洗講大家都心裡有數。