等左兩日，心不心急呢？上回講到預約好升級，跟住點？其實點解要升級，先睇睇點升級， 跟住再睇 Windows 10 的新功能！
預約後你會收到電郵
以上這兩封電郵實質上係沒用的，你只要開著電腦上住網，要來既始終要來，有沒有收到這兩封電郵毫無關係，甚至可能你已升級完畢才收到都未定。
開始下載 Windows 10
某一刻當你按下右下角 Windows icon 仔，突然會出現如上圖的視窗，發達喇，到你喇！八卦就請按下「檢視下載進度」，不八卦就等微軟自己來。
17%…… Windows 10 我來了
Windows 10 正式安裝開始
下載完成後，彈出視窗會循例問你接受或拒絕，小記相信你不會在此時刻猶豫不決掛？
接受條款後重想等，0.99 秒內就按「立即開始升級」。
很快會入到這個畫面，之後基本上無任何按鍵要你去篤，由得 Windows 自己安裝同數次 reboot，搞妥自不然會停低等你輸入密碼 (如果有設定登入密碼)，作為入 Windows 10 的儀式。
.
Windows 10 安裝成功
可能小記部腦好少軟件，個半小時已能成功進入Windows 10 桌面。
入去設定睇睇先….. 選項排列很清楚。
建議先去篤「電燈膽」，睇睇入門的內容及資訊，尤其未用過 Windows 8 / 8.1 的用家，因為基本上似智能手機同Tablet佈局，跟用開 Windows 7 差距較大。
記住，你不會再搵到 Internet Explorer，跟著 Windows 10 出台的瀏覽器今後會叫作 Microsoft Edge，IE 請安息。
微軟等別為 Windows 10 搞了一個名為 「Xbox 串流遊戲」的功能，就為同時有 Xbox 與 Windows 10 的用家，在遊戲中搏命的時候突然被村長或家中的老佛爺征用電視機時，可以立即串流到座台或手提電腦繼續搏殺。
另一個微軟重點推介就是 Windows Hello，十年前要裝一個人面辨識系統真係要萬金，而家免費送比你！只要你的手提電腦有支援便可搞定，包你實用到。
小記部老爺機升級了 Windows 10 後都不覺得有慢到，好似重快了少少？你重等，更要升左先講啦！
.
注意事項
升級及安裝時切記要保持網絡連線和保證電池不斷電，出了事小則要重頭來過，或要做廠商的 recover，嚴重者可能要送回客服做復修！另外在剛完成安裝 Windows 10 進入桌面後，有發覺數位版 ( 手提電腦) 和附設按鍵沒反應、或沒有聲音時，請不用太擔心，只要在設定中檢查沒有硬件的驅動出現問題，只要重新啟動便能解決。
如果在更新升級時出現問題又如何處理呢？因為已爆稿，請留待下回分解。
.
Windows 10 新功能
上面都是今次 Windows 10 的新功能，合口味嗎？
