ZOZOSUIT 試身衣送到，開箱試身等衫到（影片）

「人著衫，定衫著人？」

人人身形唔同，無練到一個 perfect body 就咩衫都著唔到？唔係！日本有公司已經開始網上訂造衣服，每件大概 US$24，相比起香港一啲衣服店，呢個價錢一啲都唔貴。其實香港唔少上樓舖，訂造一件唔失禮嘅恤衫都係 HK$300-$400，相比一啲所謂名牌嘅衫好好多，仲要一定啱身。

為左一試 ZOZOSUIT 嘅真偽，石先生決定直接登記拿一件度身衣試下，今次就同大家一齊開箱睇下呢件度身衣有啲咩。