一部再普通既入門級 android 手機最平都要賣千幾蚊，何況係一部有 360 度全景拍攝功能既手機，就更加要俾多幾百，但係依架 PROTRULY D7 竟然趁聖誕節黃金檔期出重招，大劈二千四百幾，由原價 HK$3488 大減到去 HK$999，即係俾一千出去仲要找返你一蚊！
你無睇錯呀！真係依個價呀，不過就只有網店 anlander.com 先買到！至於部機抵唔抵，不如先睇下個賣點，當然主打就係 360 度全景，前後鏡分別就係 800 萬／1,300 萬像素，支援 4G LTE ，處理器就係 Helio X20，亦都有 3GB RAM，即係上網都有返咁上下快既，玩手機遊戲都無問題，不過儲存容量就得 32GB，如果你係鍾意影大量既相，或者未必夠用。
PROTRULY D7 360 度全景拍攝手機行 Android 系統，而屏幕就有5.5 吋，解像度達 1920 x 1080，至於手機續航力都幾高，因為佢有 3,560MAh 電量，作為後備機或者影 360 度全景相，就夠晒用一日，其他功能包括有重力感應、光線感應、距離感應、溫度計等等。
你話部機好唔好用，其實同一般廉價 Android 機差唔多，不過勝在可以影 360 度全景，加埋依架減價，其實都係一個入手既好機會，仲要諗既話，不如考慮二手機算啦。