NETGEAR M1 4G SIM 卡漫遊蛋 電腦節2019 期間又減價，官方網店由 $2,990 減至 $2,490，減成 $500。相比起新款個隻 M2 平近 2K，真係痴線。
一見到呢部機，好多人話，D 你咩，兩千幾蚊咁貴買隻漫遊蛋，大陸個啲 1K 都有隻好好用，但 Netgear M1 貴係貴得有道理嘅，一來佢極速係可以去到 1GHz，唔係大陸蛋個啲 300MB，係香港啲台俾唔足數嘅情況下，你未必感受到個分別，但去到日本、韓國、台灣呢啲個台俾足數嘅地方，300MB 定 1GHz 其實好明顯感受到。
不過極速 1GHz 根本唔係佢最大賣點，佢最大賣點係有 4G SIM wifi 蛋有 LAN Output，呢個優惠點似乎就連代理及廠自己都睇漏左咁。一隻 4G SIM Wifi 蛋有 LAN output 有幾重要呢？唔用嘅時候唔明，但有需要時你就謝主龍恩啦！
出外搞 Event 無光纖，想上網梗係用 wifi 蛋，但一般嘅 wifi 蛋無 LAN output，只能用 wifi，但有啲主機、Hub 呀只能夠用 LAN，無 wifi，係呢個時候就係 netgear M1 呢個 LAN output 值錢嘅地方。簡單啲講，地盤、Pop-Up Event、展覽呢啲臨時地點、時間短嘅地方最需要就係 netgear m1 呢啲有 LAN output 嘅 wifi 蛋。最後都係個句，明嘅明啦，唔明嘅講多都費事。
