以往的磅就只有量度重量的一個功能，除非你是極度著重身體或者有需要量度物件重量的用家，否則每幾戶家庭都未必有一個會有磅這件東西，但隨着科技的發展，現時的磅已經發展成體脂磅，除了重量之外更可測出用家的 脂肪率、肌肉比率、水份比率等數據，甚至可以配合體重及身高，計算出 BMI 讓你更了解自己的健康指數。
揀體脂磅要睇有咩功能
體脂磅除了可以測出以上的數據之外，最重要仲有幾個及配置功能，包括「自動關機」、「自動開機」、「數據實時傳輸」，而機身上最好仲要有「LED顯示面版」。 自動關機功能 － 部份電子磅為更節省能源，因此特別設有自動關機功能。當用家超過一段特定時間沒有在使用電子磅時它就會自動關機。 自動開機功能 － 部份電子磅會於用家踏上後自動開機，令你可以更輕鬆量度到體重。
仲要配合智能手帶 / 手錶一齊用
剛剛說到要配合應用程式的體脂磅，在市場上具備這項功能而又較受歡迎的分別有 小米體脂磅、Archon Fit、Eufy by ANKER BodySense 這 3 款，而且仲可以配合現時十分流行的智能手帶或智能手錶等科技潮物一齊用。 小米體脂磅支援《小米運動》app 及可配合小米手環，不過小米出名是「獨家村」除了同一品牌之外，小米就不支援第三方了，而其他兩款的 Archon Fit 及 Eufy 這兩個智能磅在這方面似乎比較出色，除了完全支援《Fitbit》、《Google Fit》、《Apple Health》等最熱門的應用程式之外，仲可以配合 Fitbit 手環、Android Wear 及 Apple Watch 等設備。
價錢平都未必係好
現時小米體脂磅 2 代標價為 HK$159，而 Eufy 為 HK$399、Archon Fit 則是 HK$488，雖然價錢上以小米最平，不過由於只支援單一的小米系統，而智能體脂磅最強之處除了有前段所講的功能之外，仲可以記錄多位用家的數據，因此小米的缺點就是只支援同屬小米的用家。 至於 Eufy 及 Archon 雖然較貴，不過支援方面相當之豐富，無論你是用 Android 系統的 Google Fit 或是 Apple Health，甚至是運動類項目的 Fitbit，，基本上所有不同系統的用家都可以配合使用，更迎合實際的需要。