早前教左大家，用 CMHK 搭 Netgear M1 以 4G 流動網絡取代傳統家居上網服務，而最大得益者當然就係住在舊式唐樓、村屋的朋友，從此唔駛白白俾幾百數，仲要捱 8M 既龜速網絡，而今次再介紹你使用另一個電訊商 HKBN 既 4G 流動網絡，每個月都只係 ＄200 以下既月費，但網速卻大大改善。
3 款流動網絡計劃，點揀好？
HKBN 總共推出左三款流動網絡計劃，包括有 ＄88/月既 2Mbps 無限本地數據、＄190／月 ＋FUP 無限本地數據，以及 ＄78／月既 5GB 本地數據。
搭配 Netgear M2 解決龜速網絡
揀好上網計劃之後，接下來就係要一部幫你將 4G 網絡變成 WIFI 既上網設備，大家可能會覺得普通一部電話或者平平地既 WiFi 蛋都已經可以做到「放 WiFi」依個效果，但可以話你知，實際上又唔係咁計，如果你係單純去旅行的話，因為使用網路時間及耗電量唔太多，所以上述既裝置都算係夠用，不過你睇埋以下 4 點，你就知分別係邊。
1.供電
不過家居用，想取代傳統既寬頻網絡，咁就要用 Netgear M2 了，首先機身入面有可拆式既電池，除左可以獨立無線使用之外，亦都可以拿走舊電，長插 AC 電使用，一來可以旅行當 WiFi 蛋，二來又可以長插係屋企，唔怕過熱既問題。
2.週邊連接
除左電量之外，Netgear M2 機身設有一個 LAN 口，方便你用實體 LAN 線連接電腦、打印機、NAS 等唔同既裝置，依方面比起單純放 WiFi，更迎合未來佈置上網設備既計劃。
3.網速
雖然網速問題依方面好睇電訊商既表現，不過 Router 既規格都發揮左一定既作用，畢竟就算你收到好強既訊號，部機係慢既都幫你唔到，而前代 Netgear M1 極速可達到 1Gbps，NETGEAR M2 更高達 2Gbps，加上搭載 Qualcomm Snapdragon X24 LTE Modem，支援 5CA 載波聚合技術，上網速度自然有保證。
