要了解咩係快充，首先要了解電係由咩組成。電由三大元素組成，分別係：電壓、電流同埋電功率，而瓦數（W）就係我地量度功率嘅單位。電功率愈大，即係代表個個電器每秒消耗嘅能量就愈多。條功式就係電壓（V）乘以 電流（A）＝ 功率（W）。基本上只要將瓦數提高，充電時間就會愈短，呢個技術就叫做快充。
目前快充呢個技術分左兩大陣營，分別係 Qualcomm嘅QC，同埋USB-PDQC 最新嘅版本去到QC 4＋，功率係 100W，支援LG，小米，Sony等嘅裝置。
而我地平時用緊嘅Apple 產品用緊嘅係PD快充PD快充最新版本去到3.0。功率由10W去到100W，分左5個range。最高W數去到100W。唔知大家知唔知，Apple 旗下 iPhone 8 打後 出嘅所有 product都支援 USB PD 快充QC 除左可以叉iPhone，仲可以叉iPad，AirPods，MacBook等等。為統一規範，PD 快充嘅叉電火牛係採 Type-C 嘅接口。而支援 USB PD快充嘅叉電火牛同時可以相容 QC 4.0、QC 4+ 嘅快充技術。
市場上除左QC同PD之外，有唔少手機牌子都快發左自家嘅快充技術，例如係 OPPO、小米、VIVO、Samsung、華為。只不過呢D牌子嘅叉電火牛係使用上都有限制，加上唔係所有Type-C 線都支援到佢地嘅快充。所以如果大家係買左同埋用緊佢地自家嘅快充產品，就最好用番佢地自家嘅原廠叉電組合啦。