女婿阿基同佢個非常外父老積返嚟啦﹗呢對荷里活爆笑孖寶在2000年《非常外父揀女婿》（Meet the Parents）創下全球逾3億美金的佳績，到了2004年續集《非常外父生擒霍老爺》（Meet the Fockers）票房更是翻了兩翻，勁收5億美金，贏盡各地觀眾笑聲﹗
2011年，千呼萬喚、影迷熱切期待的《非常外父3》（Meet the Parents: Little Fockers）將在農曆新年爆笑上映﹗除了有至尊影帝羅拔迪尼路（Robert De Niro）、荷里活首席笑星《翻生侏羅館》系列（Night at the Museum）賓史迪拿（Ben Stiller）及型男笑匠《馬利與我》（Marley and Me）奧雲韋遜（Owen Wilson）爆發笑彈外，兩大金像影帝影后：「霍老爺」德斯汀荷夫曼（Dustin Hoffman）、「霍奶奶」芭芭拉史翠珊（Barbra Streisand）亦將承接上集，拋開一切繼續盡情喪玩；今集還找來了《神奇4俠》（Fantastic Four）性感女神謝茜嘉艾巴（Jessica Alba）空降霍家，仲搞到老積「雄風」再現？﹗雲集頂尖巨星，呢個「非常」家庭將為全港觀眾送上一個笑到甩轆嘅開心新歲﹗
外父女婿權力轉移 嚇到仔女唔敢嗌Daddy﹗
好不容易做咗人哋女婿十年，阿基（賓史迪拿 飾）突然收到麻煩外父老積（羅拔迪尼路 飾）來電，話要將家族嘅最高決策權移交俾佢呢個「好女婿」﹗自覺再唔係嗰個俾人玩到陀陀擰嘅口靚仔，阿基決定挺起胸膛同老積智鬥力博﹗點知連場暗戰都俾個寶貝仔撞破，次次戰況「激烈」嚇到佢鼻哥窿都冇肉…處於下風嘅阿基，最後會唔會做唔成大當家不特止，仲要俾對仔女喺個「信任圈圈」裡面剔走？
電影資料
電影名稱：非常外父3
導演： 基斯偉士(Chris Weitz)
上映日期： 2011年2月3日
香港發行：派拉蒙，洲立影片發行(香港)有限公司
圖片集
