跌價止步!? DDR3價格農曆新年或升

要說今個月腦場焦點，除左 Sandy Bridge 及 GeForce GTX 560 Ti， 相信 Ram價插水對你同我都最切身。雖然大家都諗住等到最低價先入貨，但 $150 2GB DDR3 1333MHz 好可能已屬最低價，全因腦場近期都傳言 DDR3 Ram 貨源緊張，加上農曆新年將至，缺貨問題已成隱憂，而且聽聞 A品牌及K品牌 DDR3 來貨價已開始上漲，相信 Ram價止跌回升會隨著農曆新年而來。至於入貨還是再等，我係你幾十蚊上落緊係買左對旁身先再諗。