今個禮拜腦場焦點，筆者話係 SSD 劈價相信都無人反對，全因 120GB 竟然可以減到唔洗一千蚊，未買嘅固然開心，買左嘅睇見傷心。而減價戰來龍去脈，要由 OCZ 今個禮拜開始推出限時優惠講起，首先 2月19日前 OCZ 旗下Agility 3 120GB 以特價 $1099 公開發售，並且大示宣佈唔洗 $10 有 1GB，早幾日qk場料已經報導過。
雖然過左兩日其他牌子如 AData、Plextor 都無乜動靜，但反而名氣一般嘅 TEAM 就借勢還擊，仲要一下把 Xtreem S2 120GB 減價至 $999 出售，價錢比 OCZ 平成一百蚊，令120GB SSD 身價暴跌至 $8.3 每GB，是 SSD 面世有史以來最低，故此絕對入市好時機。不過，講到 OCZ 定 TEAM 買邊個好啲，純粹規格兩者都係 SandForce 真係相差無幾，當然大家有研究開一定會選擇較平o既 TEAM，但唔熟識o既 OCZ 又好似感覺好啲，所以qk場料最終決定由讀者話事，藉此呼籲大家到 qk場料 Facebook 投票睇下邊個多人 Like 啲!