半個月前收到一位讀者來信，向我哭訴屋企間隔古怪，Wi-Fi 訊號入唔到房，求救無門，令我忽發奇想，想做一個小小介紹，幫大家解決間隔差所引致嘅信號問題。
讀者來信話，佢屋企又多牆又多房間，房間內信號非常差，廁所直頭無訊號。數年前為了無阻子女在房中上網做功課，忍痛每人買了一個Wi-Fi路由器，但由於裝修時並沒有拉上網線入房，令全家人要忍受有數條長長的上網線由客廳延伸到房內，又醜，又唔穩定，雙重打擊，慘不忍睹。
唔知各位潮媽有冇同個位讀者有一樣嘅問題，今日我要為大家介紹一隻新嘅 Wi-Fi 技術－Mesh Wi-Fi，以解各位潮媽嘅難處。
Mesh Wi-Fi
要解決多牆多轉彎位嘅問題，我地必需要認識 Mesh Wi-Fi 系統。以最先推出Mesh Wi-Fi 嘅 NETGEAR orbi 為例，要形成一個Mesh Wi-Fi的系統，需要靠最少兩個路由器，一個主機與一個（或數個）衞星，衞星們會透過無線訊號與主機連線，所以無需要插上牆邊的寛頻插頭，放置地點不限，可放在房內，茶水間內。
開啓後，衛星們會互相連接，發出Wi-Fi訊號，形成一個環環相扣的Wi-Fi網絡，進一步擴展訊號覆蓋範圍，而且覆蓋範圍不受牆壁影響，有助改善訊號不良等問題，亦可按需要增加衛星量，衞星愈多覆蓋範圍愈廣，建立一個Wi-Fi王國。
一個 Mesh Wi-Fi 同傳統路由器最大分別係佢覆蓋範圍會變得好多，就好似我地出街用手機咁，離開一個發射站後會自動跳入另一個發射站，從以加強整個效果。
用番上面講個個 orbi 為例，佢最大可以覆蓋到 5,000 呎，而且識得自動係兩個路由器之間來回轉換，計算出最佳嘅接收距離，以前上唔到網嘅地方都可以上到，所以如果你屋企有網絡死角，真係要考慮下轉用 Mesh Wi-Fi 啦。